Bauðst til að stýra stjórnarandstöðuskóla

Mörður Árnarson, varaþingmaður Samfylkingarinnar, bauðst til að stýra skóla í stjórnarandstöðu á Alþingi í dag þegar hann gagnrýndi stjórnarandstöðuna fyrir máttleysi. Verið var að ræða um það hvers vegna utandagskrárumræða um útboð á heilli deild á Landspítalanum færi ekki fram þegar Mörður sté í pontu.

Sagðist hann hafa reynslu úr stjórnarandstöðu og þann stutta tíma sem hann sæti nú sem varaþingmaður hefði hann fylgst með hvernig stjórnarandstaðan stæði sig.

Sagðist hann hafa átt von á því í dag að kraftmiklir stjórnarandstæðingar myndu ræða skattamál síðustu ríkisstjórnar í ljósi nýrrar skýrslu OECD eða málefni álversins í Helguvík. Í staðinn þrasaði stjórnarandstaðan um utandagskrárumræðu sem hefði ekkert gildi og skilaði engu fyrir þingmenn eða áhorfendur.

Taldi hann rétt að stofna stjórnarandstöðuskóla til þess að hægt yrði að veita heilbrigða stjórnarandstöðu á Alþingi. Sagðist stjórnarliðinn Mörður tilbúinn að taka að sér starf skólastjóra í þeim skóla.