Ráðherra gefur vestfirsku lögreglunni tetrastöðvar

Björn Bjarnason ráðherra hefur gefið lögreglunni á Vestfjörðum 13 tetrastöðvar og mun hver og einn lögreglumaður framvegis hafa eigin tetrastöð til afnota.

Fram kemur í tilkynningu lögreglunnar á Vestfjörðum að mikill fengur sé í þesari rausnarlegu gjöf ráðherrans og hún skipti miklu máli bæði fyrir lögregluna og íbúa fjórðungsins. Settir hafi verið upp tetrasendar víðs vegar á Vestfjörðum og sé því samband við fjarskiptamiðstöð víða orðið mjög gott.

Gjöf ráðherra kemur í kjölfar heimsóknar hans til Ísafjarðar í febrúar en þá heimsótti hann m.a. sýslumanninn á Ísafirði og lögregluna.