Fá bætur frá Ryanair vegna auglýsingar

Írska lággjaldaflugfélagið Ryanair var í dag dæmt til að greiða Nicolas Sarkozy og eiginkonu hans, Cörlu Bruni, fyrir að birta mynd af parinu í auglýsingu án leyfis.

Hún var birt í franska blaðinu Le Parisien í síðustu viku og í henni var mynd af parinu þar sem Bruni var að láta sig dreyma um brúðkaup með forsetanum.

Franskur dómstóll komst að því að flugfélagið skyldi greiða Bruni 60 þúsund evrur, jafnvirði tæplega fjögurra milljóna króna. Jafnframt á það að greiða Sarkozy eina evru sem þykir táknræn upphæð þar sem flugfélagið hafði boðið hana til að leysa málið.

Þess má hins vegar geta að Bruni, sem er fyrrverandi fyrirsæta, fór fram á hátt í 50 milljónir í bætur og bar því við að það að væri hefðbundið verð mynd af henni. Þá ber þess að geta að á meðan á dómsmálinu stóð giftu skötuhjúin sig í Elysee-höll í París.