Gjald á auka handfarangur í flugi

Bandaríska flugfélagið United Airlines ætlar að krefja farþega um aukagjald ef þeir hafa með sér meira en eina tösku í handfarangur. Gjaldið verður 25 dollarar á hvern aukahlut. Það eru um 1.627 krónur.

Vonast er til að þetta skili félaginu 100 milljónum dollara í aukatekjur á ári. Það er um sex og hálfur milljarður króna. Ekki verða allir farþegar þó settir undir sama hatt. Gjaldið verður aðeins tekin af þeim sem kaupa farmiða á almennu farrými innanlands og safna ekki ferðapunktum.

Gjaldskrá fyrir almennan aukafarangur verður einnig hækkaður verulega. Sem og gjaldskrá fyrir hluti sem þurfa sérmeðferð vegna stærðar eða brothættu.