Segja morð á þingmanni stjórnarandstöðu ástríðuglæp

Lögregla í Kenía segir að morð á þingmanni stjórnarandstöðunnar í dag hafi verið ástríðuglæpur.

Stjórnarandstaðan í landinu segir að lögreglumaður hafi skotið þingmanninn og konu sem hann var með í bænum Eldoret, þar sem miklar róstur hafa verið undanfarna daga. Þingmaðurinn, David Kimutai, er annar þingmaður stjórnarandstöðunnar sem fellur fyrir hendi morðingja í þessari viku.

Kofi Annan, fyrrverandi framkvæmdastjóri Sameinuðu þjóðanna, hélt áfram viðræðum við stjórn og stjórnarandstöðu, í von um að ná samkomulagi. Talið er að hann sé að reyna að semja um einhvers konar samstjórn sem allir ættflokkarnir í Kenýa geti sætt sig við.