Undirbúa aðgerðir gegn hrapi gervihnattar til jarðar

Bandaríski herinn er nú að undirbúa áætlanir um hvernig eigi að bregðast við þegar njósnagervihnöttur á stærð við strætisvagn hrapar til jarðar eftir mánuð eða svo.

Einn af hershöfðingjum bandaríska flughersins segir að svo geti vel farið að hnötturinn hrapi til jarðar í Bandaríkjunum. Stærð hnattarins gerir það að verkum að litlar líkur eru taldar á að hann brotni upp í smærri einingar þegar hann kemur inn í gufuhvolfið.

Helsta hættan af hnettinum þegar hann hrapar til jarðar er eldsneyti hans, hydrazin, sem lífshættulegt er að komast í snertingu við.