Litla dóttir Frikka Weiss lét bíða eftir sér

Athafnamaðurinn Friðrik Weisshappel og kærasta hans, Tina Holmboe eignaðust dóttur í gær. Stúlkan var þrettán merkur og 51 sentimetri að lengd og heilsast fjölskyldunni litlu vel.

Snemma beygist krókurinn, en sú litla vissi strax sem er að sannar dömur láta bíða eftir sér. Irma, eins og hún er kölluð, átti að fæðast þann 23. janúar. Frikka, sem varð fertugur í desember, var því farið að lengja eftir dótturinni.

Irma er fyrsta barn skötuhjúanna. Frikki var að vonum of önnum kafinn við að sinna konunum í lífi sínu í dag til að tala í símann, en sagði þó að þetta væri „ótrúlegt".