Neyðarráðstafanir vegna vetrarveðurs í Kína

Kínversk stjórnvöld hafa gripið til neyðarráðstafana sökum þess að mikil vetrarveður hafa lamað samgöngur í suðurhluta landsins um helgina.

Af þessum sökum eru hundruðir þúsunda Kínverja nú strandaglópar á járnbrautar- og umferðarstöðvum. Helgin síðasta er ein mesta ferðahelgin í Kína en landsmenn fagna brátt nýju ári hjá sér.

Snjókoma og ísmyndun veldur því að lestir sitja fastar og vegir eru lokaðir. Auk umferðartafa eru rafmagnstruflanir framundan sem og skortur á matvælum og eldsneyti.