Suharto látinn

Einn þaulsetnasti einræðisherra kaldastríðsáranna, Suharto forseti Indónesíu, er látinn 86 ára að aldri. Hann lá banaleguna á sjúkrahúsi frá því í janúarbyrjun. Suharto réði ríkjum á Indónesíu í 32 ár. Hann komst til valda árið 1965.

Eftir valdatökuna lét hann ráðast gegn kommúnistum á Indónesíu með þeim afleðingum að um hálf milljón manna lét lífið. Sjálfur safnaði hann miklum auði í embætti og talið er að hann og fjölskylda hans hafi átt eignir fyrir allt að 45 milljarða dollara þegar hann lét af embætti eftir almenn mótmæli gegn stjórn hans árið 1998.

Hans er þó einnig minnst fyrir stórhuga efnahagsuppbyggingu í Indónesíu á valdaárum hans.