Fyrsti maðurinn sektaður fyrir „net-stríð“

Fyrsti maðurinn sem sektaður er fyrir að taka þátt í „net-stríði" er 20 ára gamall maður af rússneskum uppruna. Hann var sektarður í Eistlandi fyrir aðild að netárás sem lokaði vefsíðu umbótaflokks forsætisráðherrans, Andrus Ansip. Dmitri Galushkevich var sektaður um rúmar 100 þúsund krónur fyrir atlöguna á síðuna sem átti sér stað frá 25. apríl og 4. maí árið 2007.

Á þeim tíma sökuðu yfirvöld í Eistlandi Rússnesku stjórnina um að standa á bakvið röð netárása á eistnesk fyrirtæki og stofnanir. Dmitry Peskov talsmaður rússneskra yfirvalda sagði BBC að ásakanirnar væru algjörlega tilhæfulausar.

Á sama tíma átti fjöldi mótmæla sér stað þegar sovéskt minnismerki var fjarlægt úr miðborg Tallin. Einn lést í mótmælunum og meira en 150 slösuðust.

Með því að færa svokallaðan Brons-hermann af torginu töldu margir að minning rússneskra hermanna sem létust í seinni heimstyrjöldinni væri lítilsvirt.

Saksóknari sagði að Galushkevich sem er nemandi, hefði sagt að árásinu væri mótmæli gegn Ansip sem varð í mótmælunum táknmynd haturs fyrir rússneska minnihlutann í Eistlandi.

Um 1,3 milljón Eistar af rússneskum uppruna búa í Eistlandi.