Rudy Giuliani á í miklum erfiðleikum í Flórída

Staða Rudy Giuliani fyrrum borgarstjóra New York er ekki góð í Flórída nokkrum dögum fyrir forkosningar Repúblikanaflokksins í þessu mikilvæga fylki.

Í nýrri skoðanakönnun nær Rudy þriðja sætinu með naumindum, örfáum atkvæðum fram yfir Mike Huckabee. Könnunin sýnir að baráttan stendur á milli John McCain og Mitt Romney.

Þetta eru slæm tíðindi fyrir Rudy því hann hefur hundsað forkosningarnar hingað til og eytt öllum sínum tíma í kosningabaráttuna í Flórída undanfarnar vikur. Ef svo fer sem horfir eru allar líkur á að Rudy gefist upp eftir kosningarnar þar.