Sir Edmund Hillary borinn til grafar

Ævintýramaðurinn Sir Edmund Hillary var borinn til grafar í Auckland, höfuðborg Nýja Sjálands í morgun. Ísöxin sem hann notaði við að komast á toppinn á Evrest-fjalli var grafin með kistunni. Mörg hundruð manns fylgdu Sir Edmund til grafar.

Forsætisráðherra Nýja Sjálands hélt líkræðuna. Ráðherrann sagði að líf Hillary hefði verið innblástur fyrir marga og að hann hefði verið þjóðsögn í lifenda lífi.

Það olli nokkurri kergju að enginn meðlimur bresku konungsfjölskyldunnar var viðstaddur jarðarförina. Á móti hefur fjölskyldan ákveðið að veita Sir Edmund þann sjaldgæfa heiður að halda um hann minningarathöfn í Windsor-kastala.