Ríkisstjórn Prodi riðar til falls

Ríkisstjórn Romano Prodi á Ítalíu riðar nú til falls. Flestir reikna með að hann verði að segja af sér nú þegar í vikunni og boða til nýrra kosninga.

Prodi tapaði þingmeirihluta sínum á ítalska þinginu í upphafi vikunnar þegar kaþólski smáflokkurinn Udeur dró sig út úr stjórnarsamstarfinu. Prodi hefur þó ekki áhuga á því að leggja árár í bát og hefur boðað til sameiginlegs fundar í báðum deildum þingsins síðar í dag. Ætlar hann að reyna að fá annan samstarfsaðila með í stjórn sína. Fréttaskýrendur telja að slíkt sé fremur óraunhæft hjá Prodi og að hann sé í raun búinn að mála sig út í horn.

Stjórnarsamstarfið hefur ekki verið upp á marga fiska á Ítalíu undanfarna mánuði en dropinn sem fyllti mælinn var að öllum læikindum getuleysi stjórnvalda til að leysa sorpvandamál Napolíbúa. Á þeim vettvangi hafa mafíusamtökin Comorra reynst stjórninni yfirstrkari og á meðan mega Napolíbúar horfa upp á borga sína bókstaflega drukkna í sorpi.

Stjórnarandstaðan hefur frá því í gærkvöldi lagt fram kröfur um afsögn Prodi.