Johnny Depp upp að altarinu

Eftir tíu ár í synd hafa Johnny Depp og Vanessa Paradis ákveðið að festa ráð sitt.

Depp kvæntist förðunarfræðingnum Lori Anne Allison snemma á níunda áratugnum, og hefur látið hafa það eftir sér að hann hafi enga sérstaka þörf fyrir ganga í það heilaga aftur. Hann og Paradis eigi tvö börn og séu svo gott sem gift. Það fylgdi þó sögunni að langaði söngkonuna einhvern tímann að gifta sig myndi hann að sjálfsögðu verða við því.

Svo virðist sem sá tími sé kominn, en samkvæmt heimildum Life and Style tímaritsins ætlar parið að láta pússa sig saman á lítilli eyju í Georgíufylki þann fjórtánda júní.