Jótlandspósturinn birtir aftur eina af skopmyndunum

Danska blaðið Jótlandspósturinn birtir aftur á heimasíðu sinni eina af skopmyndateikningunum af Múhameð spámanni sem ollu miklum titringi á síðla árs 2005 í hinum íslamska heimi.

Þetta gerir blaðið í kjölfar frétta af því að danska lögreglan hafi í gær handtekið nokkra menn sem grunaðir eru um að leggja á ráðin um að myrða einn at teiknurunum, Kurt Westergaard.

Mynd hans af Múhameð spámanni með sprengjutúrban blasir nú við á heimasíðu Jótlandspóstsins ásamt yfirlýsingu á ensku um handtöku mannanna, sem allir eru sagðir múslímar. Lögregla hafði fylgst með þeim í nokkra mánuði.

Danskir stjórnmálamenn úr öllum flokkum hafa keppst við að fordæma áform mannanna á danska þinginu í morgun.