Johnson eftirsóttur

Wigan og Sunderland hafa bæði áhuga á að kaupa Andrew Johnson, sóknarmann Everton. David Moyes, stjóri Everton, hefur gefið það út að þessi 27 ára leikmaður sé ekki til sölu.

Talið er að Everton sé þó tilbúið að selja ef félagið fær í kringum tíu milljónir punda fyrir leikmanninn. Samkvæmt heimildum BBC fær Steve Bruce, stjóri Wigan, væna summu til að lokka Johnson yfir.

Einnig hefur Johnson verið orðaður við West Ham og líklegt að félagið blandi sér í slaginn ef Everton gefur til kynna að félagið sé reiðubúið að selja hann.