United vann Portsmouth með marki frá Fletcher

Manchester United vann Portsmouth 1-0 á útivelli í ensku úrvalsdeildinni í kvöld. Darren Fletcher skoraði eina markið á 32. mínútu leiksins eftir sendingu frá Patrice Evra.

Fletcher hefur þar með skorað bæði mörk United á leiktíðinni en hann skoraði einnig mark liðsins í 1-1 jafnteflinu gegn Newcastle fyrir rúmri viku.

Sigur Manchester United var verðskuldaður en liðið yfirspilaði andstæðinga sína stóran hluta leiksins. Hinsvegar gekk erfiðlega að finna leiðina yfir línuna. Paul Scholes, miðjumaður United, var besti maður vallarins.

Armand Traore var í byrjunarliði Portsmouth en hann tók stöðu Hermanns Hreiðarssonar sem dúsaði á bekknum allan leikinn.