Bent er tilbúinn að fylla skarð Keane

Framherjinn Darren Bent hjá Tottenham segist vera klár í að fylla skarðið sem Robbie Keane skilur eftir sig í framlínu Lundúnaliðsins eftir að hann gekk í raðir Liverpool í gær.

Bent gekk í raðir Tottenham fyrir síðustu leiktíð fyrir háar fjárhæðir, en fékk aldrei almennilegt tækifæri með liðinu.

"Það eru ákveðin vonbrigði að Keane sé farinn. Hann var áberandi í búningsherbergjum liðsins og skoraði mikið af mörkum, en það þýðir ekkert að velta sér upp úr því að hann sé farinn. Ef ég fæ tækifæri til að fylla skarð hans mun ég gera mitt besta," sagði Bent.