Pulis segir ekkert hæft í ummælum Wenger

Tony Pulis, stjóri Stoke, gefur lítið fyrir þau ummæli sem Arsene Wenger hefur látið falla um leikmenn Stoke sem unnu 2-1 sigur á Arsenal um helgina.

Wenger sakaði leikmenn Stoke, þá sérstaklega Ryan Shawcross og Rory Delap, um að hafa vísvitandi reynt að slasa leikmenn Arsenal í leiknum. Bæði Emmanuel Adebayor og Theo Walcott meiddust í leiknum.

„Á ég að trúa því að Delap hafi reynt að ná í boltann þegar hann tæklaði Walcott? Eða að Shawcross hafi reynt að spila boltanum þegar hann sparkaði Adebayor út af vellinum?" sagði Wenger í gær.

„Á laugardaginn viðurkenndi Wenger að Stoke átti skilið að vinna leikinn," sagði Pulis. „Nú hefur hann reynt að endurskrifa söguna. Ummæli hans fengu mig hreinlega til að brosa."

„Ég man ekki betur en svo að Adebayor hafi fengið áminningu fyrir tæklingu gegn Shawcross. Þar að auki fékk aðeins einn leikmaður rautt spjald í leiknum og það var ekki leikmaður Stoke," bætti við og átti þar við brottvísun Robin van Persie í leiknum.