Handtekinn fyrir að vera heltekinn af Jodie Foster

Fjörutíu og tveggja ára gamall karlmaður sem hefur verið með leikkonuna Jodie Foster á heilanum undanfarin ár hefur verið handtekinn. Maðurinn sendi handskrifað bréf með sprengjuhótun á Van Nuys flugvöllinn í Kalíforníu og aðra flugvelli á svæðinu.

Maðurinn sem heitir Michael Smeagal var að sögn FBI ósáttur með flugvellina þar sem hann taldi þá tengjast samtökum kvikmyndaleikara. En hann telur samtökin hafa sniðgengið leikkonuna undanfarin ár.

Þetta er ekki í fyrsta skipti sem einhver er heltekinn af Jodie Foster því á sjöunda áratugnum sat maður að nafni John Hinckley Jr um hana meðan hún stundaði nám í Yale. Sami maður reyndi síðar að taka Ronald Reagan af lífi.