Taka afstöðu til framkvæmdaleyfis fyrir Helguvíkurálver

Boðað hefur verið til aukafunda í bæjarstjórnum Garðs og Reykjanesbæjar klukkan hálfsex í dag og er ætlunin á báðum stöðum að taka afstöðu til byggingar- og framkvæmdaleyfa fyrir álver í Helguvík.

Leyfin hafa verið samþykkt í sameiginlegri byggingarnefnd sveitarfélaganna og lýsti Árni Sigfússon, bæjarstjóri í Reykjanesbæ, því yfir í hádegisfréttum Útvarps í gær að ekkert væri því til fyrirstöðu að hefja framkvæmdir við álverið fyrir lok þessa mánaðar.

Hins vegar hefur einnig verið bent á að umhverfisráðuneytið eigi enn eftir að taka afstöðu til kæru Landverndar vegna þeirrar ákvöðrunar Skipuagsstofnunar að meta ekki álversframkvæmdir heildstætt. Þá hafi álverið ekki fengið úthlutað kvóta til losunar gróðurhúsalofttegunda.

Umhverfismat gerir ráð fyrir 250 þúsund tonna álveri en fyrst áfangi þess verður 120-150 þúsund tonna álver.