Tiltekt hjá City

Forráðamenn Manchester City hafa tilkynnt að níu leikmenn séu á förum frá félaginu í sumar.

Þeir Paul Dickov, Geovanni, Emile Mpenza og Sun Jihai munu ekki frá áframhaldandi samning við City og þá hafa þeir Gary Breen , Michael Daily, Filippo Mancini, Ashley Grimes og Christian Mouritsen einnig fengið að taka pokann sinn.

Mark Hughes knattspyrnustjóri virðist vera að gera byltingu í herbúðum City síðan hann tók við liðinu af Sven-Göran Eriksson og reiknað er með því að hann muni fá til sín nokkra sterka leikmenn í sumar.

Brasilíumaðurinn Jo samdi við City í gær og félagið er enn orðað við menn eins og Ronaldinho hjá Barcelona.