Capello vill taka þátt í Ólympíuleikum

Fabio Capello segir að það sé draumur sinn að taka þátt í Ólympíuleikum en samningur hans við enska knattspyrnusambandið rennur út skömmu áður en leikarnir hefjast í Lundúnum árið 2012.

Breskir ráðamenn binda miklar vonir til að Bretar sendi sameiginlegt knattspyrnulið á leikana en Capello er núverandi landsliðsþjálfari Englands.

„Árið 2012 verð ég 66 ára gamall og kominn á eftirlaunaaldur. Ef ég fengi að taka þátt í Ólympíuleikum myndi draumur rætast hjá mér. Ég fékk aldrei að spila á Ólympíuleikum sem leikmaður og hef ávallt séð mikið eftir því."

„Það væri sanngjarnt að stilla upp sameiginlegu knattspyrnuliði Bretlands fyrir Ólympíuleikana. En það er undin öðrum komið að ákveða það," sagði Capello.