Fabregas vill fá Alonso í Arsenal

Cesc Fabregas segir að það yrði frábært fyrir Arsenal að fá miðjumanninn Xabi Alonso frá Liverpool. Arsene Wenger hefur áhuga á því að fá Alonso samkvæmt fréttum frá Englandi.

„Xabi er vinur minn. Hann er líka frábær leikmaður, gefur góðar sendingar og vinnur vel án bolta. Þrátt fyrir að vera bara 26 ára hefur hann afrekað margt. Hann hefur unnið Meistaradeildina og varð Evrópumeistari með Spáni," sagði Fabregas.

Arsenal þarf að styrkja miðjuna sína eftir að hafa misst Alexander Hleb til Barcelona og Mathieu Flamini til AC Milan í sumar.