Loðna veiddist í gær

Þrátt fyrir að sjómenn hafi nánast verið búnir að afskrifa að meira veiddist af loðnu á þessari vertíð fannst loðna austan við Vestmannaeyjar seinnipartinn í gær. Sturla Þórðarson skipstjóri á Berki NK hefur verið á veiðum frá í fyrradag eftir að báturinn landaði í Helguvík. Hann segir að veiðin í gær hafi verið lítil og ekkert hafi veiðst í dag.

Nú eru um tíu bátar að leita að loðnu á svæðinu við Vestmannaeyjar. Sturla óttast að vertíðin sé að klárast, en nokkur skip eiga enn eftir kvóta af þessum minnsta loðnukvóta sem úthlutað hefur verið um árabil.