Flugeldasala hefst á morgun - bankatertan í boði

Árleg flugeldasala Slysavarnafélagsins Landsbjörgar hefst á morgun. Flugeldasalan er stærsta, og um leið mikilvægasta, fjáröflun björgunarsveita en kostnaður við rekstur björgunarsveitar er mikill þrátt fyrir að allt starf sé unnið í sjálfboðavinnu.

Í tilkynningu kemur fram flugeldamarkaðir björgunarsveitanna verði á 112 stöðum um land allt. Helstu nýjungar eru fjórar tertur, Víkingatertan, sem skreytt er mynd af útrásarvíkingum landsins, Bankatertan, með bankamönnum, Stjórnmálatertan, með stjórnmálamönnum og Íslandstertan með íslenskum almenningi.

,,Í því ástandi sem nú ríkir er afar mikilvægt að styðja vel við bakið á björgunarsveitum enda hefur útköllum þeirra fjölgað mikið undanfarin ár og eru nú um 1500 á ári," segir í tilkynningu.