Kynlífssenurnar að buga Ewan McGregor

Leikarinn Ewan McGregor var þeirri stund fegnastur þegar tökum á nýjustu mynd hans, erótíska tryllinum Deception, lauk. Tökur á myndinni stóðu yfir í sjö vikur, en leikstjóri myndarinnar geymdi allar kynlífssenurnar fram á síðustu tvo tökudagana. Í myndinni er atriði þar sem persóna Ewans rifjar upp kynlíf með fjölda kvenna, og á dögunum tveimur þurfti hann því að sænga hjá fimm konum sem hann hafði aldrei hitt áður.

„Ég var kynntur fyrir stelpu, við lékum kynlífssenurnar. Ég fór aftur í búningsherbergið, fékk mér kaffi, kom aftur fram, heilsaði næstu stúlku, háttaði mig og aftur af stað," sagði Ewan í viðtali við Contactmusic. „Ég hef leikið í slatta af kynlífssenum á ferlinum, en trúðu mér. Þetta var einum of."