Rooney gæti spilað gegn Newcastle

Sir Alex Ferguson segir að Wayne Rooney sé mættur aftur til æfinga eftir veikindi og gæti spilað gegn Newcastle. Rooney fékk vírus í æfingaferð Manchester United til Afríku.

Hann hefur nú jafnað sig af veikindunum og gæti leikið í fyrsta leik United ídeildinni sem verður 17. ágúst.

„Það er mikið verkefni fyrir höndum að gera hann kláran fyrir leikinn í næstu viku. En það eru enn sjö til átta dagar sem við höfum til stefnu svo það gæti tekist," sagði Ferguson.

Þá hafa Michael Carrick og Gary Neville jafnað sig af meiðslum og verða báðir í leikmannahópnum gegn Portsmouth á sunnudag þegar leikið verður um Samfélagsskjöldinn.

Owen Hargreaves er á meiðslalistanum og verður ekki með í fyrstu leikjum United en verður klár í slaginn aftur síðar í þessum mánuði. Markvörðurinn Ben Foster verður einnig frá í einhvern tíma.