Sirrý skrifar bók um Örlagadaga, síðasti þátturinn á dagskrá í kvöld.

Sjónvarpskonan Sirrý sest í kvöld við skriftir, en hún ætlar að skrifa bók unna upp úr sjónvarpsþætti sínum Örlagadeginum. „Þetta eru tvær seríur, fjórtán og þrjátíu þættir, svo af nógu er að taka." segir Sirrý. Hún segist hafa fundið fyrir þrýstingi um að koma þessum oft á tíðum mögnuðu lífsreynslusögum til stærri hóps, fólks sem ekki hefur haft aðgang að Stöð 2, eða hefur misst úr þætti.

„Við höfum komið mjög víða við í 30 þáttum. Allt frá dýpstu sorgum til sigra og gleði. Þarna hafa Íslendingar sýnt hvers þeir eru megnugir, bæði að takast á við áföll - halda áfram og líka að gleðjast og sigra heiminn."

Allra síðasti þáttur Örlagadagsins verður á dagskrá Stöðvar 2 í kvöld, og þar verða sýnd brot af því besta sem hefur verið í þáttunum í vetur. Meðal þeirra sem koma fram eru Amal Tamimi sem flúði frá Palestínu, ekki út af stríðinu heldur út af eiginmanni sem var á við óvinaher, Vilhjálmur fyrrum borgarstjóri sem lifði af þegar togari sökk, Katrín Andrésdóttir sem missti son sinn þegar hann gafst upp á þunglyndi, Björgvin G Sigurðsson viðskiptaráðherra sem lifir annasömu lífi í sveit og borg með fullt hús af börnum. Hendrikka Waage sem slegið hefur í gegn í skartgripahönnun, Dísa og Bjössi sem eiga margar líkamsræktarstöðvar í Danmörku og margt fleira.