Leiðbeinendur hjá Vinnuskóla Reykjavíkur lögðu niður störf í hádeginu. Nemendur Vinnuskólans verða í einhverjum tilfellum sameinaðir í hópa og vinnu haldið áfram, en ljóst er að margir þeirra verða sendir heim.
Vinnustöðvunin tók gildi klukkan tólf á hádegi. Vilja leiðbeinendur með þessu vekja athygli á óviðunandi lauankjörum en þeir halda því fram að leiðbeinendur séu skráðir í rangan launaflokk. Eru launin í sumum tilvikum lægri en fullar atvinnuleysisbætur.
Leiðbeinendur ætla að funda í dag og safnast saman í Ráðhúsinu klukkan tvö og afhenda borgaryfirvöldum kröfur sínar. Guðrún Þórsdóttir, skólastjóri Vinnuskóla Reykjavíkur, segist styðja leiðbeinendur í baráttu sinni fyrir bættum launakjörum. Hún styður þó ekki þá ólöglegu vinnustöðvun sem leiðbeinendurnir hafa boðað.
Vinnustöðvunin stendur einungis yfir í dag. Ekki er vitað hversu margir leiðbeinendur leggja niður störf en um 130 leiðbeinendur af rúmlega 160 hafa ritað nafn sitt á undirskriftalista þar sem kröfur leiðbeinendanna eru tíundaðar. Í einhverjum tilfellum verða nemendurnir sendir heim en sums staðar verða hópar sameinaðir. Fer það allt eftir því hversu margir leiðbeinendur leggja niður störf.
Leiðbeinendur Vinnuskólans lögðu niður störf
Tengd skjöl
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
