Sir Alex ánægður með hópinn

Það stefnir allt í að Manchester United muni hefja komandi tímabil með sama leikmannahóp og varð Englands- og Evrópumeistari á síðasta tímabili.

Illa hefur gengið hjá Sir Alex Ferguson og félögum að krækja sér í nýjan leikmann í sumar. „Við höfum stóran hóp sem gerði nú ekkert slæma hluti á síðasta tímabili," sagði Ferguson sem hefur litlar áhyggjur.

„Það er alls engin örvænting hjá okkur. Við erum enn að líta í kringum okkur og skoða möguleikann á því að styrkja okkur en erum á engri hraðferð," sagði Ferguson.

Wayne Rooney og Cristiano Ronaldo verða báðir fjarri góðu gamni í fyrsta leik United í ensku úrvalsdeildinni. Einnig Nani og Anderson, sá fyrrnefndi verður í banni en hinn á Ólympíuleikunum.