Telur ólíklegt að United bæti við sig

Sir Alex Ferguson viðurkennir að vera ekki bjartsýnn á að Manchester United muni bæta við sig leikmanni fyrir lokun félagaskiptagluggans. Evrópumeistararnir hafa haft hægt um sig og ekki keypt neinn leikmann í sumar.

United hefur sterklega verið orðað við Dimitar Berbatov hjá Tottenham en lítið virðast þau mál þokast áfram. Ferguson segir að hann sé með eitt aðalskotmark (að öllum líkindum Berbatov) en er ekki bjartsýnn á að þau mál klárist fyrir lokun gluggans.

Meiðslalisti Manchester United er með lengra móti um þessar mundir og hópurinn því þunnskipaður. Næsti leikur liðsins er gegn Portsmouth á mánudagskvöld.