Solano leystur undan samningi

Íslendingafélagið West Ham hefur leyst Nolberto Solano undan samingi sínum við félagið. Hann vonast þó til að spila áfram í Englandi.

Solano er 33 ára gamall og gekk til liðs við félagið frá Newcastle í ágúst árið 2007. Hann kom við sögu í 23 leikjum með félaginu.

Ástæðan fyrir því að hann fór frá Newcastle á sínum tíma var vegna fjölskyldnuaðstæðna. Þær hafa ekkert breyst og því er útilokað að Solano fari aftur til Newcastle.

„Ég vonast til að vera áfram í Englandi næstu tvö árin og eftir það fer ég aftur til Perú," sagði Solano.