Nær Kinnear í fyrsta sigurinn í kvöld?

Einn leikur er á dagskrá í ensku úrvalsdeildinni í knattspyrnu í kvöld. Newcastle tekur á móti West Brom og leitast þar við að ná fyrsta sigrinum undir stjórn Joe Kinnear.

Nokkur meiðsli eru í herbúðum Newcastle og menn eins og Michael Owen, Nicky Butt, Mark Viduka og Alan Smith eru fjarverandi. Það gæti orðið til þess að vandræðagemlingurinn Joey Barton fengi tækifæri í byrjunarliðinu í kvöld.

West Brom hefur tapað tveimur leikjum í röð gegn Manchester United og Hull, þar sem liðið fékk á sig sjö mörk.

Líkleg byrjunarlið í kvöld:

Newcastle: Given, Beye, Taylor, Coloccini, Bassong, Barton, Guthrie, Geremi, Duff, Martins, Ameobi.

West Brom: Carson, Zuiverloon, Donk, Olsson, Robinson, Greening, Koren, Valero, Morrison, Miller, Bednar.