Paris Hilton bætir í hundasafnið

Paris Hilton hefur verið gagnrýnd fyrir að sanka að sér fleiri gæludýrum en hún getur sinnt, en hún lætur það ekkert stöðva sig í því að fjölga í safninu. Glamúrgellan heimsótti á dögunum dýraathvarfið Bobbi & The Strays á Long Island og fann þar terrier hund sem hún ætlar að taka að sér.

Haft er eftir konu sem passaði hunda Hilton að það sé óskiljanlegt að hún ætli að fá sér annan hund. Paris þyki að sjálfsögðu vænt um dýrin, en geti ómögulega fylgst með þeim öllum. Konan sagði að síðast þegar hún passaði einn hundanna hafi Paris gleymt því hvar hann var, og haldið að hann væri týndur.