Tottenham náði ótrúlegu jafntefli á Emirates

Tottenham skoraði tvö mörk í lok leiksins gegn Arsenal á útivelli í kvöld og náði þar með í jafntefli, 4-4, en níu leikir fóru fram í ensku úrvalsdeildinni í kvöld.

David Bentley kom Tottenham í 1-0 strax á þrettándu mínútu en þeir Mikael Silvestre, William Gallas og Emmanuel Adebayor komu Arsenal í 3-1. Darren Bent minnkaði muninn á 67. mínútu fyrir Tottenham en þá skoraði Robin van Persie fjórða mark Arsenal aðeins mínútu síðar.

Allt útlit var fyrir öruggan sigur Arsenal en þá skoraði Jermaine Jenas á 89. mínútu og Aaron Lennon tryggði svo jafnteflið með því að fylgja eftir glæsilegu skoti Luka Modric sem hafnaði í stönginni.

Liverpool, Manchester United og Chelsea unnu öll leiki sína í kvöld sem og Aston Villa sem kom sér upp í fjórða sæti deildarinnar með sigrinum.

Hull var í þriðja sæti en tapaði fyrir Chelsea í kvöld, 3-0. Manchester United er enn í sjötta sæti deildarinnar en nú með átján stig.

Stoke vann dýrmætan sigur á Sunderland, 1-0, og Middlesbrough vann góðan sigur á Manchester City á heimavelli, 2-0.

Úrslit og markaskorarar kvöldsins:

Aston Villa - Blackburn 3-2

0-1 Stephen Warnock (30.)

1-1 Luke Young (45.)

2-1 Gareth Barry (65.)

3-1 Gabriel Agbonlahor (87.)

3-2 Brett Emerton (90.)

Fulham - Wigan 2-0

1-0 Andy Johnson (11.)

2-0 Andy Johnson (60.)

Hull - Chelsea 0-3

0-1 Frank Lampard (3.)

0-2 Nicolas Anelka (50.)

0-3 Florent Malouda (75.)

Stoke - Sunderland 1-0

Ricardo Fuller (73.)

Arsenal - Tottenham 4-4

0-1 David Bentley (13.)

1-1 Mikael Silvestre (37.)

2-1 William Gallas (46.)

3-1 Emmanuel Adebayor (64.)

3-2 Darren Bent (67.)

4-2 Robin van Persie (68.)

4-3 Jermaine Jenas (89.)

4-4 Aaron Lennon (90.)

Bolton - Everton 0-1

0-1 Marouane Fellaini (90.)

Grétar Rafn Steinsson lék allan leikinn með Bolton en Heiðar Helguson var á varamannabekk liðsins.

Liverpool - Portsmouth 1-0

1-0 Steven Gerrard (76.)

Hermann Hreiðarsson var á varamannabekk Portsmouth.

Manchester United - West Ham 2-0

1-0 Cristiano Ronaldo (14.)

2-0 Cristiano Ronaldo (30.)

Middlesbrough - Manchester City 2-0

1-0 Afonso Alves (53.)

2-0 Gary O'Neil (90.)