Enski boltinn

Huntelaar: United hefur áhuga á mér

Huntelaar hefur einnig verið orðaður við Arsenal
Huntelaar hefur einnig verið orðaður við Arsenal NordcPhotos/GettyImages

Hollenski framherjinn Klaas Jan Huntelaar hjá Ajax segir að Manchester United hafi sýnt sér áhuga að undanförnu og að félagið sé ekki það eina á Englandi sem verið hafi með fyrirspurnir.

Þessi 24 ára gamli leikmaður er orðinn mjög eftirsóttur af stórliðum Evrópu ef marka má slúðrið undanfarin misseri og sjálfur segist hann spenntur fyrir að feta í fótspor landa síns Ruud van Nistelrooy.

"Ég veit að nokkur ensk félög eru að skoða mig - þar á meðal United. Ég er hrifinn af félögum með ríka sögu eins og Ajax og United. Þetta er félag sem fær mig til að dreyma - ekki síst af því Ruud van Nistelrooy spilaði þarna og gerði frábæra hluti," sagði Huntelaar í samtali við fjölmiðla í heimlandi sínu.








Fleiri fréttir

Sjá meira


×