Rooney blankur eftir brúðkaupið

Breska helgarblaðið News of the World segir að fjárhagur knattspyrnumannsins Wayne Rooney sé ekki upp á marga fiska eftir annasamt sumar. Rooney gekk að eiga unnustu sína Coleen McLoughlin fyrir skömmu og það kostaði sitt.

Rooney hélt teiti fyrir fjölskyldu og vini á Englandi, í Bandaríkjunum og á Kanaríeyjum og splæsti fötum og uppihaldi á línuna.

Hann bókaði hljómsveitina Westlife fyrir tugi milljóna króna og þá kostaði brúðarkjóllinn sitt. Þá eru ótaldir hringarnir sem hann keypti og allt hleypur þetta á hundruðum milljóna.

Rooney þarf þó ekki að örvænta, því hann er með 20 milljónir króna í vikulaun hjá Manchester United fyrir utan alla auglýsingabónusa og þá borgaði blaðið OK! hátt í 400 milljónir fyrir einkaréttinn á umfjöllun um brúðkaup þeirra hjóna.