Megum ekki við því að missa Keane

Gus Poyet, aðstoðarstjóri Tottenham í ensku úrvalsdeildinni, segir að félagið megi alls ekki við því að missa írska markahrókinn Robbie Keane úr sínum herbúðum í sumar. Keane hefur verið orðaður mikið við Liverpool að undanförnu.

"Mér krossbrá þegar ég heyrði hann orðaðan við Liverpool - því hann er okkur gríðarlega mikilvægur leikmaður. Við megum ekki við því að missa hann. Við höfum misst Jermain Defoe og við vonum að Dimitar Berbatov fari ekki frá okkur. Það yrði of mikið fyrir okkur að missa Robbie líka," sagði Poyet.