Donadoni: West Ham hentaði mér ekki

Ítalski þjálfarinn Roberto Donadoni segist hafa dregið sig út úr kapphlaupinu um stjórastöðuna hjá West Ham af því hann hafi ekki verið rétti maðurinn í starfið.

Donadoni sagðist upp með sér að hafa komið til greina hjá West Ham og útilokaði ekki að vinna á Englandi í framtíðinni.

"Ég ákvað að taka nafn mitt út úr myndinni af því ég held að ég sé ekki rétti maðurinn til að stýra þeim verkefnum sem framundan eru hjá West Ham. Ég vil þakka félaginu, því mér finnst mikill heiður að hafa komið til greina sem knattspyrnustjóri þess," sagði fyrrum landsliðsþjálfari Ítala.