Sneijder: Ég fer ekki til United

Wesley Sneijder hefur neitað þeim orðrómi að hann gæti farið til Manchester United. Sneijder segir að hann verði áfram hjá Real Madrid á næsta tímabili.

Talað hefur verið um að þessi hollenski landsliðsmaður gæti verið notuð sem beita í tilraunum Real Madrid til að krækja í Cristiano Ronaldo.

Sneijder átti gott fyrsta tímabil hjá Real eftir að hafa verið keyptur frá Ajax.

„Þegar ég fór frá Ajax vildi ég bara fara til Real Madrid. Það er besta félag í heimi. Nú er ég hjá Real Madrid og vill vinna eins marga titla og hægt er og klæðast hvítu treyjunni eins lengi og möguleiki er á," sagði Sneijder í pistli á heimasíðu sinni.

„Það hafa verið sömu sögur í gangi um Robinho. Ég vona að hann verði hérna áfram og ég vona líka að Cristiano Ronaldo komi. Ég er stoltur af því að vera orðaður við Manchester United... en þetta er ekki að fara að gerast. Útrædd mál."