Liverpool blæs á kjaftasögur

Liverpool hefur neitað þeim sögusögnum að Fernando Torres gæti verið á leið til Chelsea. Þessi 24 ára spænski sóknarmaður var orðaður við þá bláu eftir að Luiz Felipe Scolari var ráðinn knattspyrnustjóri.

Rick Parry sagði við breska ríkisútvarpið að málið væri ekki flókið, Torres væri einfaldlega ekki á förum. Torres skoraði 33 mörk fyrir Liverpool á sinni fyrstu leiktíð með Liverpool.

Parry segir að digrir sjóðir Roman Abramovich hafi ekkert að segja þegar kemur að Fernando Torres.