Queiroz tekur við portúgalska landsliðinu

Carlos Queiroz, aðstoðarstjóri Manchester United, var í dag ráðinn landsliðsþjálfari Portúgal í knattspyrnu. Queiroz hefur skrifað undir fjögurra ára samning þess efnis, en hann stýrði liðinu til skamms tíma á síðasta áratug.

Queiroz hefur verið á mála hjá United nær óslítið síðan árið 2002, en hefur þess utan m.a. stýrt Real Madrid og landsliði Suður-Afríku.

Brotthvarf Queiroz þykir setja ný spurningamerki við framtíð Cristiano Ronaldo hjá Manchester United, en samband þeirra tveggja mun hafa verið náið hjá enska félaginu.