Beckham gefur tengdó hús

Knattspyrnugoðið David Beckham hefur gefið tengdarforeldrum sínum hús sem hann keypti í Dubai árið 2002. Húsið er á manngerðri eyju sem var látin líta út eins og pálmatré.

Tengaforeldrarnir, Tony og Jackie Adams, eru að vonum himinlifandi enda er húsið metið á 8 milljónir punda. Það fylgir reyndar sögunni að Beckham keypti það ekki á nema um 800 þúsund pund.

Beckham mun áfram vera formlegur eigandi hússins en hann er víst búinn að segja tengdó að þau megi innrétta það að vild og dvelja þar eins og þeim lystir.

Það má fylgja með að David Beckham er ekki eini enski fótboltakappinn sem hefur keypt hús á eyjunni sem lítur út eins og pálmatré.

Gary Neville, Michael Owen, David James og Joe Cole eru allir nágrannar á eyjunni.