Númeraplatan dýrari en bíllinn

Breskur kaupsýslumaður hefur greitt metverð fyrir bílnúmeraplötu í Bretlandi, litlar 48,5 milljónir íslenskra króna. Á plötunni standa einkennisstafir Formúlu eitt „F1". Afzal Khan bætti með kaupunum fyrra metið sem var tæpar 43 milljónir. Númerið mun hann setja á Mercedex SLR McLaren bifreið sína sem kostar um 43 milljónir króna. Khan býr í Bradford og á fyrirtæki sem sérhæfir sig í hönnun á bílum.

F1 einkennisnúmerið var í eigu yfirvalda í Essex héraði. Það var fyrsta númeraplatan sem búin var til af Bifreiðaskráningu Essex árið 1904 þegar skylt varð með lögum að setja skráningarnúmer á bíla.

Fyrsti eigandi númeraplötunnar var landmælingarmaðurinn Percy John Sheldon sem notaði hana á 15 hestafla bifreið sína Panhard Levassor. Árið 1955 eftir að platan hafði gengið á milli nokkurra eigenda lúxusbifreiða eins og Darracq Torpedo, Humber, Daimler og Jaguar, komst hún aftur í eigu yfirvalda í Essex. Þau munu nota 48,5 milljónirnar til að fjármagna ökuþjálfunarnámskeið fyrir hundruð ungra ökumanna í Essex.