Framkvæmdastjóri SÞ fundar með deilendum í Kenía

Ban Ki-moon, framkvæmdastjóri Sameinuðu þjóðanna, kom til Kenía í dag til viðræðna við Raila Odinga leiðtoga, stjórnarandstöðunnar.

Ban sagði á fundi Afríkuleiðtoga í gær að hann myndi taka beinan þátt í samningaviðræðum. Hann ræddi við Kibaki forseta á fundinum í Addis Ababa en Odinga var ekki boðið þangað og því fór Ban til Naíróbí til að tala við hann.

Forveri Bans, Kofi Annan, stýrir fundum stjórnar og stjórnarandstöðu í Naíróbí. Odinga vill að boðað verði til nýrra kosninga en Kibaki þvertekur fyrir að semja frá sér forsetaembættið. Um átta hundruð og fimmtíu manns hafa látið lífið í átökum ættbálka í Kenía undanfarnar vikur.