Menn handteknir í Senegal í tengslum við giftingu samkynhneigðra

Lögregla í Senegal hefur handtekið nokkra menn í kjölfar þess að tímarit þar í landi birti myndir af giftingu tveggja karlmanna.

Fram kemur á fréttavef Breska ríkisútvarpsins að ritstjóri blaðsins hafi verið yfirheyrður vegna málsins en hann hefur fengið líflátshótanir eftir að þær birtust.

Samkynhneigð er bönnuð samkvæmt senegölskum lögum og samkvæmt dagblaðinu Le Soleil, sem þykir hallt undir ríkisstjórnina, voru hinir handteknir í meintu vændishúsi. Lögregla í Senegal vildi ekki tjá sig að öðru leyti en því að hún rannsakaði málið.