Umsátrinu um forsetahöllina í Tsjad lokið

Stjórnarhernum í Tsjad hefur tekist að leysa upp umsátur uppreisnarmanna í kringum forsetahöllina í höfuðborg landsins.

Enn er samt barist í úthverfum borgarinnar en herinn hefur beitt skriðdrekum og árásarþyrlum gegn uppreisnarmönnunum. Ekki er vitað um mannfall í þessum átökum sem hófust fyrir helgina.

Hinsvegar segja fréttamenn sem fylgst hafa með að mikill fjöldi líka liggi á götum borgarinnar. Yfirvöld í Tsjad hafa sakað Súdana um að standa á bak við uppreisnarmennina.