Ayesteran að taka við af Queiroz?

Breska blaðið Daily Mail greinir frá því í dag að Pako Ayesteran komi til greina sem eftirmaður Carlos Queiroz hjá Manchester United. Blaðið segir Queiroz fyrsta manninn á lista portúgalska knattspyrnusambandsin til að taka við landsliðinu af Phil Scolari.

Ayesteran var áður aðstoðarstjóri Liverpool, en Daily Mail segir að hann sé fyrir ofan þá Brian McClair og Michael Phealan á óskalista United um að aðstoða Sir Alex Ferguson ef Queiroz lætur af störfum á næstunni.

Þá mun Laurent Blanc, þjálfari Bordeaux og fyrrum leikmaður United, einnig koma til greina sem aðstoðarstjóri meistaranna ef Queiroz tekur við portúgalska landsliðinu.