West Ham áfrýjar í Tevez-málinu

West Ham ætlar að áfrýja Tevez-málinu svokallaða til Alþjóða Íþróttadómstólsins.

West Ham á yfir höfði sér að þurfa að greiða Sheffield United um fimm milljarða króna vegna umdeildra félagaskipta Tevez á sínum tíma, en enska knattspyrnusambandið tilkynnti í dag að niðurstöðu gerðardómsins yrði ekki áfrýjað.

Í yfirlýsingu frá West Ham kemur m.a. fram sú skoðun félagsins að framlag eins leikmanns geti tæplega talist nógu mikið til að hafa áhrif á örlög eins knattspyrnufélags yfir 38 leikja tímabil.